由於瘋狂上司今日請了病假，我和妹妹在office裡都是在看報紙喝咖啡的狀態，當然，這時間又變成少女愛情信箱的時間。
妹妹：最近我又識左個北歐仔，好後生廿幾歲已經博士畢業，依家搞緊科技公司，剛剛拿到了基金第一輪集資，看上去挺好玩的。
我：我看你才好玩，次次都總是遇上這些三尖八角的，今次連宅男都唔放過。（翻白眼，腦海浮現那種美劇裡矽谷日日食pizza寫程式死肥仔的樣子）
妹妹：唔係呢，佢唔係宅男，係那種很聰明而且好鍾意健身，好大隻兼且靚仔的那種，不信，你看？（把手機遞給我，看他的照片）
我：唔_係呀嘛？！你肯定佢唔會又係同志？聰明、英俊加大隻，仲要咁型，點睇佢都似model多過programmer，想點呀？但佢望落去佢好似好cool咁款？
妹妹：佢行得咁埋，應該唔係掛？係呀… 好cool, 唔太講野的那種，同佢一齊會有種「被他一眼就看透」的感覺。
我：今次個盤係靚呀，不過，攻略的難度太高了…
妹妹：難在於，佢太靚仔？
我：唔係，靚仔都冇關係，as long as 佢係男人，再靚仔都係根據原始本能行動。但問題反而係，佢太聰明。
妹妹：太聰明都唔得？
我：太聰明、太清醒的人拍不到拖的。什麼都能預計了，也談不上猜度，沒難度沒驚喜沒浪漫，拍什麼拖？另一方面，他們看東西太清楚了，你在想什麼、你想幹什麼，他都知道，而可惜的是，他知道是一回事，他喜歡和接受又是另一會事。太敏銳、知道得太多，有時候反而成為了相處的障礙。
我：（頓了頓，補充）聰明係一種天賦，但智慧是一種成長，當日子久了，智慧會告訴你什麼時候應該放下一點聰明、放下一點智商。當你懂得和願意去為另一半折腰的時候，你就頓悟，可以投入一段關係了。你跟你是timing不對，現在的他，稜角分明銳利非常，和他一起鐵定會受傷的。或許幾年後，當他看透人間風景，就會懂得談一場蠢人的戀愛。
妹妹：咁要等佢幾年呀？
我：你就算罷啦，十月芥菜，叫你三個月唔拍拖都想死咁款，邊可能等人幾年咁耐？你當自己葉劉等做特首咩？同埋，佢唔係gay嘅先算啦～
妹妹：……… 邊個係葉劉？
我：呃… 在香港好出名的，成日都想做特首但成日都失敗好似火箭兵團咁。
妹妹：火箭兵團又係咩？
我：比卡超呀～你細個冇睇pokemon架？
妹妹：我個年代唔睇呢啲架…
我：………… !!!
#我懷疑佢當左我係白韻琴
#搞錯呀
#六年就有代溝
#該煨囉
Search